बालमोहनच्या विद्यार्थ्यांना तसंच बालमोहनच्या माध्यमातून महाराष्ट्रातील विद्यार्थ्यांना तज्ञांचं, अभ्यासकांचं मार्गदर्शन लाभावं म्हणून ‘एबीपी माझा’ ह्या वृत्तवाहिनीतर्फे आयोजित परीक्षा परिषदेत बालमोहन विद्यामंदिरने संयोजकाची भूमिका बजावली.

मराठी साहित्य विश्वापासून मराठी शिक्षण संस्थांनी अलिप्त राहता कामा नये. म्हणूनच बालमोहन संस्था माजी विद्यार्थी, समाजातील मान्यवर ह्यांचे पुस्तक प्रकाशन सोहळे, त्यावर परिसंवाद, मराठी विश्वकोश अशा उपक्रमांना प्रोत्साहन देते.

बालमोहनच्या निर्मितीपासून अनेक सामाजिक-आर्थिक-सांस्कृतिक स्थित्यंतरं घडली, त्या सर्व परिस्थितीतून काही व्यक्तिमत्त्व तावून-सुलाखून तेजोमय झाली. अशा मान्यवरांची बालमोहन वास्तुतील उपस्थिती हा आमच्यासाठी शारदेचा आशीर्वाद असतो.