समाजाभिमुख उपक्रम

जागतिक महिला दिन : निर्भया

भारतीय सैनिकांना स्नेहपत्र

सीमेवर लढणाऱ्या जवानांबद्दल समाज म्हणून आपण कृतज्ञ तर असलंच पाहिजे पण आपलं सर्वस्व पणाला लावून रक्षण करणाऱ्या सैनिकाप्रती आपण प्रेमही व्यक्त केलं पाहिजे आणि ते त्यांच्यापर्यंत पत्राच्या अभिव्यक्तीतून पोहचावं म्हणून हा अभिनव उपक्रम. दिवाळीचा फराळ देखील ऐन युद्धाच्या धामधुमीच्या प्रसंगी बालमोहनमध्ये तयार करून पाठविला तेव्हा तो नेण्यासाठी लष्कराचे विमान विमानतळावर तैनात होते.

अंधश्रद्धा निर्मुलन

वैज्ञानिक दृष्टीकोन निर्माण होण्यासाठी श्रद्धा आणि अंधश्रद्धा यातील फरक समजला पाहिजे. त्यादृष्टीने श्रद्धेच्या नावाखाली चाललेल्या अंधश्रद्धेच्या मागील विज्ञान उलगडून दाखविण्याचा प्रयत्न शाळेत वेळोवेळी केला जातो. राष्ट्रीय विज्ञान दिनाचे औचित्य साधून अंधश्रद्धा निर्मुलन समितीच्या वतीने विद्यार्थ्यांना प्रात्यक्षिकांद्वारे अंधश्रद्धे मागील विज्ञान उलगडून दाखविले.

समाजात वावरताना प्रत्येक घटनेमागील कार्यकारणभाव समजून आचरण करणारा प्रत्येक विद्यार्थी असावा यासाठी ही कार्यशाळा.

निरामय आयुष्य

फिट्सच्या आजाराबद्दल जागरूकता (Purple Day Epilepsy Awareness Program) :एपिलेप्सीबद्दल जनजागृती आणि त्यांच्या रूग्णांना मार्गदर्शन करण्यासाठी दरवर्षी २६मार्चला ‘पर्पल डे’ साजरा करण्यात येतो.

पिढ्यानपिढ्या समाजात रूजलेले एपिलेप्सी संबंधीचे गैरसमज दूर करणे, लोकांना या आजाराच्या चिकित्सा आणि निदानासाठी पुढे आणणे, समाजाचा आणि रुग्णांचा दृष्टिकोन सकारात्मक करणे, शिक्षण, व्यवसाय, विवाह इत्यादीबाबींमध्ये रूग्णास भावनात्मक आधार देणे इत्यादी कामांसाठी ‘पर्पल डे इंटरनॅशनल’ तर्फे राष्ट्रीय विज्ञान दिनानिमित्त सुप्रसिद्ध न्युरोफिजिशियन डॉ. जनक नाथन, यांनी विद्यार्थ्यांना मार्गदर्शन केले.